ماناشي مجدام

ماناشي مجدام
*************
على غفلة
تسدّو لحدود
على غفلة
سدّوعليا الباب
قال ليك 
خايفين 
على للي لداخل
خايفين 
على لولاد

على غفلة
خلاوني برّة
طرقو بيبان لبلاد
*
بلا حقوق
بلا تطبيب منسي 
عليا طاح الدل
وعلى لبلاد
ماناشي مجدام
إيلى كنت غالط
عقلوني
إلى شفتوني مجنون
عذروني 
عندي شغالي 
عندي داري
عندي عشيرتي
عندي حياتي 
يا لعباد
*
الكورونا وجدام 
بحال بحال
بقى فين كنتي
هادو للي هنا
اغلى منك
إيلى رجعتي
غادي تجيب معاك
لمسخ ف جلدك
هاد المرض 
عافية
وأنت الرّماد
*
شحال بكيت
شحال شكيت
ما جاني تلفون
ما جاتني رسالة
ما جاني جواب
شكون داها فيا
لمن تعاود زابورك
يا داود
غريب وبراني
ف بلادات الناس
ما عندي بلاد
بحال الخيمة
بلا وتاد
*فاتي ميم*Fati Mim*
*فاتيمتين* FatiMatine*
10/05/2020
Paris, France