عَقْد الجّوهر ما واتاني

عَقْد الجّوهر ما واتاني
****************************
قفطان الحرير...اللي لبستو
عرّاني
عَقْد الجّوهر...اللي تشهّيتو
ما واتاني
الزمان اللي عطيتو نيتي
ورّاني
حرايبو، وغرايبو... من طرشتو
ما نجّاني
الورد اللي بيديا جنيتو...شوكو
دماني
طبيب الحب...اللي لقيتو
ما داواني
الليل الطويل اللي سهرتو
عياني
غناك يا طيري...سمعتو
وزاد غواني
آش نعمل يا احبابي اللي سبيتوا
وطاني
ڭولوا لي... كيفاش بلا بيكم  
نلقاني
انتوما اللي ديك الروح فنيتوها
بلعاني
داك القلب اللي دّيتوا راه
خواني
***فاتي ميم***